« Ieu, Joan Pigassa, obrièr del Canal » – Fulheton radiofonic en occitan

« Se disiá Joan. Coma son paire, son mestièr seriá boscatièr. Mas una aventura extraordinària anava capvirar lo país : lo cavament del Canal Reial de Lengadòc, rebatejat mai tard Canal del Miègjorn ». Adaptacion en occitan per IEO Aude de l’òbra de Michèle Teysseyre, « Moi, Jean Pigasse, ouvrier du Canal ». Editions du Cabardès, 2017.

 

En 2017, Michèle Teysseyre publicava a las Éditions du Cabardès, «Moi, Jean Pigasse, ouvrier du Canal », un segond roman sus l’incredibla entrepresa representada pel cavament del Canal del Miègjorn, jol regne de Loís XIV. L’autora i presentava en contrapunt a l’epopèia de Monsieur Riquet (que en 2013, tractava lo subjècte vist dels mai nauts somes de l’Estat) ; l’envèrs de l’òbra, l’indispensabla contribucion dels terrassièrs, boscatièrs e autras manòbras aquela proesa tecnica. D’« invisibles » que lo quotidian es portat aquí per Joan Pigassa, boscatièr de son estat, originari de la Montanha Negra. Descobrissèm a sos costats, l’ambient d’un obrador al sègle XVII, dins un obratge ont sentissèm la «pata» cinematografica de Miquèla Teysseyre.

L’idèia es de transpausar jos la forma d’un fulheton radiofonic s’es aital impausada naturalament pendent lo rencontre de l’autora e del CIRDOC, tan coma lo recors a l’occitan, lenga mairala de la magèr part dels estatjants de la Montanha negra jos lo Regim Ancian. Revirat vèrs l’occitan per Mirelha Braç e Alan Roch pels besonhs de la creacion radiofonica, « Ieu, Joan Pigassa, obrièr del Canal » serà tanben valorizat jos la forma d’una publicacion a las Edicions IEO Aude. L’obratge serà disponible tre lo mes de novembre de 2019. Los 50 episòdis seràn demai propausats a las rets radiofonicas, occitanas e francesas, en fin de beneficiar a un public larg, lo sector del libre legit que representa un biais estrategic de desvolopament dels publics de la cultura occitana.

Una produccion CIRDOC-Institut occitan de cultura, sostenguda per l’Union Europèa dins lo quadre del programa Occitanica +. L’Europe s’engage avec le Fonds européen de développement régional.

 

TwitterFacebookGoogle+LinkedInPinterestTumblrEmail