Forum euroregional « Culturas popularas en dialòg »

Un an aprèp lo primièr Forum euroregional dels actors de la cultura e de la creacion, lo CIRDÒC e sos partenaris, la Fira Mediterrània de Manresa e la Fira de Teatre Infantil e Juvenil – FIET – dels Illes Balears, vos convidan los 18 e 19 de mai al Pont de Gard per una segonda edicion. Associacions, confrariás, gropes, federacions… cadun es convidat a devenir l’ambassador de las practicas vivas de son territòri e actor del dialòg de las lengas e culturas entre Pirenèus e Mediterranèa.

 

Culturas popularas en dialòg : Las tradicions vivas al servici del dialòg intercultural

Al caireforc de las culturas europèas, l’Euroregion Pirenèus-Mediterranèa (EMP) recampa a l’entorn d’un meteis projècte de cooperacion politic, administratiu e cultural, Catalonha, Illas Balearas e Occitània / Pirenèus-Mediterranèa. L’EMP es lo conservatòri d’un patrimòni cultural ric de sa diversitat, que l’occitan e lo catalan ne constituïsson lo fondament d’una identitat partejada per totes sos estatjants.
Aprèp un primièr Forum (« Patrimòni e creacion » – Castèlnòu d’Arri, 2016), lo CIRDÒC, la Fira Mediterrània de Manresa e Sa Xerxa – Fira de Teatre Infantil (FIET) dedican aquela edicion als actors del dialòg cultural, entre Pirenèus e Mediterranèa. Doas jornadas de rencontres, de conferéncias e de fèsta a l’entorn de las culturas popularas d’Occitània, de Catalonha e de las Balearas.
Associacions, confrariás, artistas, federacions… l’ensemble dels actors implicats dins lo manten de las diversitats culturalas e lingüisticas, son convidats a participar a aquel segond Forum euroregional, los 18 e 19 de mai de 2018 al Pont de Gard.

Descobrir lo programa d’aquelas doas jornadas : Programme_forum

Lo detalh dels dos jorns son de descobrir sul site  (intervenents, agenda, cossí s’inscriure…) : fabrica.occitanica.eu/euroregion

 

En parallèla del Forum, venètz al vòstre torn ambassor / ambassadritz de la vòstra cultura,  mercés a la campanha participativa  :

Cultura Viva : Balears, Catalunya, Occitània
#CulturaVivaBCO

 

TwitterFacebookGoogle+LinkedInPinterestTumblrEmail